Semajnfino en Mozet, februaro

Antaŭ unu semajno okazis la 20a renkontiĝo de la verdaj skoltoj.
Ĝi okazis en Mozet, Valonio. Ĝuste tie kie okazos PEKO!
De vendredo la 20a ĝis dimanĉo la 22a de februaro 2015.

Se ni kalkulas per tranoktoj, kaj kalkulante ĉiujn semajnfinojn kiel 2 tranoktoj kaj du longaj semajnfinojn (4 tranoktoj) kaj 2 longajn tendumadon… Tiel estis la 58a kaj la 59a tranoktoj por la verdaj skoltoj.

Ene de la du lastaj jaroj, ni organizis preskaŭ du monatoj da renkontiĝoj!
Nun vi komprenas kial la verdaj skoltoj tiel bone akordiĝas. Simple ĉar ili kreskis kune dum la du lastaj jaroj.

Jen eta raporto pri niaj lastaj aventuroj!

Legi plu

Advertisements

Mozet, 20-22aj de februaro

Restas du tagoj antaŭ revidi unu la alian \(^_^)/

Kie okazos?

La semajnfino okazos en la kastelo de la skoltinoj de Belgio. En Mozet, apud Namuro.
Tie kie okazos PEKO2015. Tiel la skoltoj malkovros la lokon kaj povos pli helpi dum PEKO.

Kiuj partoprenos

  • Delfeno, Jonas kaj Mira el Antverpeno, (Flandrio)
  • Kolibro el Bruselo
  • Gibono kaj Ugo el Tamines (Valonio)
  • Jérôme el Jemeppe s/S (Valonio)
  • Dingo el Givet (Francio)
  • Bongo kaj Linko el Duisburg (Germanio)

Do 10 adoleskuloj inter 13 kaj 17 jaroj.
Kies tri novuloj (gratulojn al ili pro ilia kuraĝo). Ili komencis lerni Esperanton antaŭ kelkaj tagoj aŭ semajnoj. Tamen ili devos jam uzi ĝin ĉar Esperanto estos la nepra kaj sola komuna lingvo!

Jes ja, la Antverpenanoj parolas la nederlandan, la Duisburg-aninoj la germanan, la aliaj parolas la francan. Do Esperanto estas la sola solvo.

Lupo gvidos ilin. Sole ĉi-foje ĉar la aliaj skoltestroj ferias.

Programo

Pro lernejo, Dingo, Bongo kaj Linko alvenos malfrue. Ja, ne estas feria semajno en Germanio kaj Francio.

Por la aliaj estos frua rendevuo en la stacidomo de Namuro, vendredon je la 15a45.
Lupo forlasos ilin aŭte je kelkaj kilometroj de la kastelo, ili devos trovi ilian vojon. Kun mapo kaj kompaso. Do la komenco estos tre skolta orientiĝo.

Poste ni instaliĝos, preparos la vespermanĝon, verŝajne ne-formale instruos esperanton al tiuj kiuj bezonas kaj ludos al sociaj ludoj.

Sabaton, ni kuiros, manlaboros, ludos en la vilaĝo, spektos filmon kaj estos eta surprizo por kelkaj 😉

Dimanĉon, ni faros komunik-ekzercon, kunsidos por taksi la semajnfino kaj ordigos ĉion antaŭ foriri.

Kion kunpreni?

Kiel kutime 😉 Atentu, ni disponos matracon, do krom dormosako ĉiuj devas preni littukojn por matraco kaj kapkuseno.